Географски информациски системи

ОСНОВНИ ПОДАТОЦИ:

Решение за акредитација на студиската програма

Решение за почеток со работа на студиската програма

Студиската програма по Географски информациски системи бара 4 години студирање (8 семестри), за коишто студентот добива 240 кредитни поени (КП).

Стручното звање што се доделува по завршување на првиот циклус на студии и одбрана на дипломска работа е: Дипломиран географ – географски информациски системи

Овие додипломски студии и програмата се организирани за стекнување на VII/2 степен образование и целосно исполнување на дескрипторите за квалификации.

Студиската програма дава можност за понатамошна континуирана едукација на повисоко ниво на студии – втор циклус на студии организиран од Институтот за географија и тоа во различни области на географијата (физичка, социјална и економска).

ГОДИНИ И СЕМЕСТРИ НА ТРАЕЊЕ НА СТУДИСКАТА ПРОГРАМА:

Студиската програма на прв циклус студии по географски информациски системи е во траење од 4 години, односно 8 семестри.

ЕКТС КРЕДИТИ СО КОИ СЕ СТЕКНУВА СТУДЕНТОТ:

Студентите што ќе ги завршат овие студии се стекнуваат со минимум 240 кредити.

Сооднос помеѓу задолжителните и изборните предмети

На оваа студиска програма е запазен пропишаниот сооднос меѓу бројот на задолжителните и на изборните предмети. Во следнава табела е даден процентуален сооднос помеѓу задолжителните и изборните предмети за студиската програма.

Структура на студиската програма
Географски Информациски Системи

1. Студиска програма со фонд на часови и број на кредити

СЕМЕСТАР I

СЕМЕСТАР II

СЕМЕСТАР III

СЕМЕСТАР IV

СЕМЕСТАР V

СЕМЕСТАР VI

СЕМЕСТАР VII

СЕМЕСТАР VIII

Во студиската програма во 4-ти, 5-ти и 7-ми семестар е предвидена реализација на студентска практика која претпоставува практика во разни проектантски организации, статистички институции, државни институции и други институции и организации во кои се работи со софтверски пакети ориентирани за организација и воспоставување на ГИС. Студентот реализацијата на студентската практика ја докажува со потврда од организацијата каде што ја реализирал практиката и истата ја депонира во студентското досие.

Во студиската програма се вклучува изработка и одбрана на дипломска работа која е вреднувана со 8 ЕКТС. Студентите може да ја изработат дипломската работа исклучиво во рамките на насоката од Географски информациски системи и тоа во рамките на потесно специјализираните предмети во функција на насоката и потесната специјалност или во други сродни институции кои се занимаваат со проблематика од областа на географски информациски системи и воедно е блиска на студиската програма.

Во материјалот што следи даден е преглед и организација на изборните предмети.

2. Листа на изборни предмети на Институтот за географија при ПМФ

Семестар 1

-Изборни предмети од УКИМ

• Слободен избор од студиските програми на УКИМ (мора да има најмалку 5 кредити)

Семестар 2

-Изборни предмети од УКИМ

• Слободен избор од студиските програми на УКИМ (мора да има најмалку 5 кредити)

Семестар 3

-Изборни предмети од ИГ и ПМФ

• ГУ001    Статистика 2+2
• ГУ001а  Математика 2+2

Семестар 4

-Изборни предмети од ИГ

• ГГ008     Педогеографија 2+1
• ГГ007    Биогеографија 2+1
  Слободен избор од студиските програми на УКИМ (мора да има најмалку 8 кредити)

Семестар 5

-Изборни предмети ИГ

• ГИ001    ГИС техники и технологии 2+1
• ГИ016    ISO стандарди на географски информации 2+1

Семестар 6

-Изборни предмети ИГ

• ГГ014    Индустриска географија 2+1
• ГГ044    Географија на енергетика 2+1
• ГИ017    Глобални навигациски сателитски системи 1+2
• ГИ018    Глобален позиционен систем 1+2
• ГГ042а  Сообраќајна со турис. геогр. 2+2
• ГТ010    Туристички информациски системи 2+2

Семестар 7

-Изборни предмети ИГ

• ГГ021     Просторно планирање 2+2
• ГД027    Урбани системи 2+2

Семестар 8

-Изборни предмети ИГ

• ГИ012    ГИС анализи 1+2
• ГИ011    Управување со ГИС проекти 1+2

Начин на избор на предмети

Во рамките на оваа студиска програма студентите ги запишуваат сите задолжителни предмети. Над 30% од изборните предмети (вкупно 13) студентите ги бираат од листата на изборните предмети на Институтот за географија и Природно-математичкиот факултет, а останатите 10% од изборните предмети студентите можат да ги изберат од листата (универзитетска листа) на акредитирани предмети од единицата и/или од единиците на УКИМ.

Предметите наведени како изборни треба да се бираат од листата како што е предвидено за секој семестар заради континуитет во студирањето.

Изработка на проектот:

                Проф. д-р Благоја Маркоски

                Останати членови на Институтот за географија на ПМФ