Организациона поставеност на Институтот за географија

ОРГАНИЗАЦИОНА ПОСТАВЕНОСТ НА ИНСТИТУТОТ ЗА ГЕОГРАФИЈА

Организациската поставеност на Институтот за географија била таква што во почетокот од своето постоење во него немало оддели, меѓутоа, по 1958 г. на Институтот се формирани:

Завод за географија;

Завод за геологија и

Завод за етнологија.

Во годините, кога Институтот прераснува во факултет (1976-1984), овие заводи се укинуваат.

После повторното формирање на ПМФ во 1984 г. на Институтот за географија се формирани:

Завод за физичка географија;

Завод за социо-економска географија;

Завод за картографија и ГИС

Завод за етнологија.

Во 2006 г. Заводот за етнологија прерасна во Институт за етнологија, така што денес на Институтот функционираат останатите три заводи.

Ваквата организациска поставеност овозможува Институтот нормално да функционира и со успех да ја извршува својата наставна, научна и апликативна дејност. Изведувањето на наставата на Институтот се врши преку предавања, вежби и теренска настава. Научната работа се изведува институционално со реализација на научни проекти но и индивидуални проекти во кои се вклучени кадрите на институтот соодветно на својата потесна специјалност. 

РАКОВОДНИ СТРУКТУРИ НА КАТЕДРАТА И ИНСТИТУТОТ ЗА ГЕОГРАФИЈА

Раководните структури на Институтот за географија, во неговото долгодецениско работење е како што следува:

                Од Институтот за географија редовно имало претставници во раководните структури на Природно-математичкиот факултет. Во таа смисла, како декан на ПМФ во два мандатни периоди се јавува проф. д-р Александар Стојмилов, а како продекани биле проф. д-р Митко Панов, проф. д-р Томе Андоновски, проф. д-р Благоја Маркоски (1998-2000 и 2009-2012), проф. д-р Драган Василески (2004-2006), проф. д-р Михаило Зиков, проф. д-р Крсте Богоески, проф. д-р Никола Панов (2012-2018), проф. д-р Драган Колчаковски и проф. д-р Свемир Горин. Продеканите главно го раководеле ресорот за финансии.