Просторни услови и опрема

ПРОСТОРНИ УСЛОВИ НА ИНСТИТУТОТ ЗА ГЕОГРАФИЈА

Во рамките на ПМФ, Институтот за географија располага со  простор кој се состои од 2 амфитеатри, 4 училници, 6 лаборатории (за картографија, за геологија, за геоморфологија, за климатологија и хидрологија, за социоекономска географија и компјутерска лабораторија), 19 кабинети, 1 библиотека и други помошни простории со вкупна површина од над 1.200m². Во нив се изведува основната функција на работењето, како во смисла на непосредното изведување на наставата така во смисла на искористување на просториите и опремата за научноистражувачка и апликативна работа.

ТЕХНИЧКА ОПРЕМЕНОСТ НА ИНСТИТУТОТ ЗА ГЕОГРАФИЈА

Институтот за географија согласно со својот развој поседува и соодветна техничка опременост. Училниците се опремени со нагледна опрема (телевизори, видео бимови, графоскопи и разни други апаратури). Институтот поседува неколку лаборатории меѓу кои компјутерска лабораторија со околу 20 персонални компјутери. Соодветно на новите информатички технологии е воспоставена интернет комуникација, така што се создадени основите за посовремено работење.

Во првата деценија од 21-ви век се оформија и соодветно опремија наменски лаборатории со современа опрема и апаратура за разни наставно вежбовни активности и научно истражувачка и апликативна работа. Сите кабинети поседуваат соодветна опрема за индивидуална работа на вработените со што се создадени услови за перманентно осовременување на наставата на институтот.

Институтот за географија е соодветно организиран за спроведување на теренски настави од секаков вид каде студентите се во можност непосредно на терен да видат разни објекти, појави и процеси кои се предмет на проучување во географијата.

Институтот за географија располага со збирка на карти од околу 7000 примероци, кои служат за изведување на наставата, како и за одредени научни потреби. Застапени се неколку комплети на ѕидни карти со различна содржина и просторен опфат во кои спаѓаат и специјални тематски карти. Освен тоа, Институтот располага со неколку збирки на топографски карти во различен размер, со кои е опфатена територијата на РМ.

Во рамките на Институтот за географија исто така егзистира пообемна минералошка, петрографска и збирка на бројни фосилни наоди од разни геолошки периоди.

Компјутерската опременост на Институтот е оформена, такашто е овозможена прецизна техничка работа во процесот на картографската технологија на работење. На Институтот за географија се работи и на најновите ГИС технологии.

Бидејќи значаен дел од наставата се изведува на терен, Институтот за географија располага со бројна поситна апаратура која е на располагање во процесите на наставата.