Биографија

Д-р Јован ТРИФУНОВСКИ (1914‒2002), редовен професор, е роден на 23 септември 1914 г. во с. Вруток, Гостиварско. Дипломирал на Филозофскиот факултет во Белград, група за географија. По дипломирањето работел како професор во средно училиште. Извесно време работел и во Пиринска Македонија. На Институтот за географија предавал регионална географија, сè до пензионирањето како ред. професор. Предмет на неговите истражувања се населението и населбите за кои има објавено голем број трудови.